Endurmenntunarnámskeið í nóvember

Atvinnubílstjórar þurfa nú við endurnýjun atvinnutréttinda sinna á fimm ára fresti að hafa lokið fimm endurmenntunarnámskeiðum. AKTU ökuskóli efnir reglulega til þessara námskeiða og verður næsta námskeiðalota í nóvember næstkomandi. Hvert námskeið tekur einn dag í kennslu, þ.e. kl. 9-16 en kennt verður í húsnæði skólans við Sunnuhlíð á Akureyri. Hvert námskeið kostar 15.000 kr.
Þrjú námskeiðanna er atvinnubifreiðastjórum skylt að sækja, þ.e. námskeið um vistakstur og öryggi í akstri, námskeið um umferðaröryggi og loks námskeið um lög og reglur. Því til viðbótar kennir skólinn þrjú valnámskeið og þurfa atvinnubifreiðastjórar að ljúka tveimur þeirra, auk skyldunámskeiðanna til að uppfylla þær þau skilyrði sem sett eru fyrir endurnýjun atvinnuréttindanna.

Endurmenntunarnámskeiðin í nóvember verða sem hér segir:
Vistakstur - öryggi í akstri - föstudaginn 8. nóv.
Umferðaröryggi - bíltækni - laugardaginn 9. nóv.
Farþegaflutningar - föstudaginn 15. nóv.
Lög og reglur - laugardaginn 16. nóv.
Vöruflutningar - föstudaginn 22. nóv.
Skyndihjálp - laugardaginn 23. nóv.