Næsta meiraprófsnámskeið í febrúar

Næsta meiraprófsnámskeið hefst hjá AKTU ökuskóla kl. 19 miðvikudaginn 12. febrúar. Bókleg kennsla verður í kennsluhúsnæði AKTU í verslunarmiðstöðinni Sunnuhlíð. Kennslufyrirkomulagið er þannig að kennt er mánudaga-miðvikudaga kl. 19-21:35, á fimmtudögum og föstudögum kl. 17:30-21:35 og á laugardögum kl. 9:30-16.
Námskeiðið skiptist í grunnnám og framhaldsnámskeið, auk verklegs hluta. Allir nemendur taka grunnnámskeiðin en síðan skiptist hópurinn upp eftir því hvort um er að ræða réttindi til vöruflutninga eða farþegaflutninga.
Nánari upplýsingar um námskeiðið og réttindaflokka má kynna sér með því að smella hér. Tekið er við rafrænum umsóknum um námskeiðið hér á heimasíðunni - smellið hér.
Vakin er athygli á að mörg stéttarfélög styrkja félagsmenn sína til að sækja þessi námskeið.