Meiraprófsnámskeið hefst 5. apríl

Næsta meiraprófsnámskeið hefst hjá AKTU ökuskóla föstudaginn 5. apríl næstkomandi. Tilvalið er fyrir þá sem hafa t.d. hug á að aka stærri bílum á komandi sumri að nota nú tækifærið, ljúka námskeiðinu og prófi tímanlega fyrir vorið.
Bókleg kennsla verður í kennsluhúsnæði AKTU í verslunarmiðstöðinni Sunnuhlíð. Kennt er öll virk kvöld nema mánudagskvöld kl. 19-22 og einnig á laugardögum og sunnudögum kl. 10-16.
Námskeiðið skiptist í grunnnám og framhaldsnámskeið, auk verklegs hluta. Allir nemendur taka þannig grunnnámskeiðin en síðan skiptist hópurinn upp eftir því hvort um er að ræða réttindi til vöruflutninga eða farþegaflutninga.
Nánari upplýsingar um námskeiðið og réttindaflokka má kynna sér með því að smella hér. Tekið er við rafrænum umsóknum um námskeiðið hér á heimasíðunni - smellið hér.
Vakin er athygli á að mörg stéttarfélög styrkja félagsmenn sína til að sækja þessi námskeið.