Fréttir

Námskeið til aukinna ökuréttinda hefst föstudaginn 6/4 kl. 17:30 - getum bætt við nemum á námskeiðið ef áhugi er fyrir hendi.

Sérstakt námskeið vegna akstursbanns eða sviftingar ökuréttinda verður haldið í maí 2018. Kennt verður á miðvikudögum kl.16:30 dagana 9., 16., 23., og 30.maí. Skráning hér á síðunni undir „Skráning“.

Meiraprófsnámskeið eru haldin á haust- og vormisseri, 2 til 4 námskeið á ári.

AKTU - ökuskóli býður upp á 7 endurmenntunarnámskeið fyrir atvinnubílstjóra. (sjá námskeið)

Þeir bílstjórar sem fengið hafa réttindi sín fyrir 10. september 2013 þurfa að klára endurmenntun fyrir 10. september 2018. Hinir og reyndar allir sem endurnýja ökuskírteinið sitt með þessum flokkum eftir þann tíma þurfa að hafa klárað endurmenntun. Hvað er námið langt? Fjöldi kennslustunda í endurmenntun skal vera samtals 35 stundir í 7 kennslustunda lotum á síðustu fimm árum fyrir endurnýjun. Námið samanstendur því af fimm stuttum námskeiðum sem má dreifa á þetta tímabil en verður að vera lokið fyrir endurnýjun ökuskírteinis.

Á haustdögum 2017 keypti nýstofnað fyrirtæki AKTU - ökuskóli ehf. húsnæði Ökuskólans á Akureyri. Eigendur AKTU - ökuskóla ehf. eru ökukennararnir Kristján Sigurðsson, Sigríður Garðarsdóttir, Steinþór Þráinsson og Valdemar Þór Viðarsson, auk Sérleyfisbíla Akureyrar.